Feeds:
Posts
Comments

Archive for the ‘Gatuajme se bashku/let s cook’ Category

Ju pershendes te gjitheve dhe uroj qe java te kete filluar sa me mire per te gjithe ju:-)

Nuk e di per ju, por mua me pelqen shume aroma e bukes se fresket. Me pelqen shume kur e ndiej ne rruge prane ndonje furre buke, por me shijon deri ne shpirt kur kete arome e ndiej brenda shtepise sime.

Jo te gjithe kane deshire qe te gatuajne buke vete ne shtepi, ndaj nese ju jeni nje prej tyre, ju lutem te keni durim, pasi ky shkrim ju dedikohet atyre qe ju pelqen te bejne buken vete ne shtepi.
Gjithashtu ekziston edhe nje mundesi tjeter zgjedhjeje, ta provoni njehere:-)

Per nje familje me 4 persona, per gati tri vakte vlen kjo recete;

2 luge caji maja buke pluhur
1/2 luge caji sheqer
1 1/2 filxhan caji uje i vaket
2 luge gjelle gjalpe, ose margarine per gatim
1 1/2 luge gjelle uthull e bardhe
2 luge caji kripe e imet
3 filxhane miell

Kjo recete ben buke mjaftueshem per tri vakte, por nese e shihni se familjes tuaj nuk i mjafton, mund te dy apo trefishoni masen.

Ne nje ene te madhe hedhim majane e bukes, sheqerin dhe ujin e vaket. I perziejme se bashku dhe i leme ne qetesi per 5 minuta. Fillojme te shtojme perberesit e tjere sipas rradhes ne recete. Masen e brunit te perftuar e mbulojme me qese kuzhine (wrap) dhe i hedhim siper nje peshqir apo mbulese tavoline. Kur e shikojme qe buka “ka ardhur” e perziejme mire masen dhe e mbulojme serish.

Pasi ka ardhur perseri, e punojme brumin dhe e ndajme ne cope sipas preferences. Ne familjen tone, ne preferojme bukezat e vogla ne forme rrumbullake. Jepini bukes formen qe deshironi dhe vendoseni ne taven e lyer me pare me yndyre. Piqeni ne furre me 180 grade per 10 minutat e para dhe me 140 grade me pas derisa te piqet. Pasi ta keni fikur furren e sobes, lereni buken atje edhe per disa minuta te tjera dhe me pas nxirreni e vendoseni ne nje qese cohe pambuku.

Bukes mund ti shtoni, fara te ndryshme, arra, kikirike, ullinj apo edhe djathe e domate te thara.

Konsumohet me cfaredolloj gatimi. Sot ne do ta konsumojme me thjerreza dhe sallate perimesh, vezesh te ziera e djathi parmesan.

Per mua si amvise eshte kenaqesi qe familja ime te shijoje buke te bere vete. Nese mendoni se eshte vape dhe nuk i duroni dot temperaturat e larta, piqeni buken ne mbremje vone duke ndjekur ndonje film dhe pasi te ftohet futeni ne nje qese prej cohe pambuku.

Ju uroj gjithe te mirat dhe gatim te kendshem:-)

Me dashuri,
Edi Gogu

Read Full Post »

Te dashur miq dhe mikesha,

Nuk ma merrte mendja se temperaturat e veres do ti ndienim kaq shpejt mbi lekuren tone:-)

Nderkohe qe kondicioneret fillojne punen e tyre per te na freskuar ambientet ku punojme dhe jetojme, edhe zonjat e shtepive perpiqen qe te freskojne familjaret e tyre me gatime qe u pershtaten temperaturave te larta; psh ne kete stine une rrit intensitetin e gatimit te superave te ftohta, taratorit me kos, kungujve me kos apo edhe te pijeve me baze frutash te perziera me kos dhe qumesht.

Nderkohe me pelqen qe ne kanen e ujit qe servirim ne tryeze, te kemi shije te stines. Kete gje e arrij shume thjeshte; ne nje kane qelqi me uje hedh uje te fresket, shtoj disa copa akulli, 7-8 dege borziloku te lare, nje portokall te prere ne feta, 4-6 kokrra qershi per bukuri, 3 luleshtrydhe per shije dhe per te shtuar me shume detaje vizuale.

Nje variant tjeter mund te jete qe kanes me uje ti shtoni, limon te prere ne feta, gjethe nenexhiku, qershi, copa kajsie apo topa te vegjel pjepri.

Ju mund ta zbukuroni kanen tuaj me shije e pamje verore sipas preferencave tuaja.

Vini ne pune fantazine tuaj dhe shijoni stinen ashtu si ju pelqen ju, edhe brenda kanes tuaj te ujit:-)

Qofshi mire!

Me dashuri,
Edi Gogu

Read Full Post »

Pershendetje te gjitheve:-)

Eshte e premte dhe fundjava sapo ka filluar. Une dhe vajza sapo gatuam nje embelsire qe ta shijojme pergjate diteve te fundjaves.

Ne na pelqen qe ne fundjave te gatuajme vakte te shijshme, por edhe qe nuk na marrin shume kohe nga koha me njeri-tjetrin.

Nje ide ndihmuese eshte qe nese planifikoni qe te gatuani emblesire per ne fundjave, ta gatuani ate qe te premten ne mbremje, ndersa te shtunen e te dielen te merreni vetem me vaktet kryesore.

Nje dreke fundjave eshte mire qe te mos i mungoje nje supe me perime apo edhe me pule, qe eshte e preferuara jone. Pasi e keni zjere pulen, nje pjese te mishit te saj mund ta perdorni per supe dhe pjesen tjeter mund te piqni e ta perdorni me perime apo edhe me pilaf.

Perimet e ziera ne uje apo ne avull shkojne shume mire me mishin e pules te pjekur.

Supe me perime dhe byrek jane nje ushqim i shijshem dhe praktik per ne fundjave. Mos harroni qe nje sallate me perime te stines nuk duhet t’i mungoje vakteve te fundjaves.

Vaktet me peshk apo me tave peshku pervecse jane te shijshme, shijohen shume mire ne fundjave.

Ju e dini vete se cfare preferencash keni ne lidhje me ushqimin, por perpiquni qe te konsumoni ushqim sa me te fresket dhe te gatuar ne shtepi. Kursejeni doren ne hedhjen e yndyres dhe te salcave e djathrave te yndyrshem, te cilet megjithese duken te shijshme u rendojne stomaket dhe veshtiresojne tretjen.

Po ju bashkengjis nje recete embelsire, te asaj qe gatuam ne; Cheesecake me VANILJE E RECEL

Per nje CHEESE CAKE ME VANILJE E RECEL ju nevojiten;

200 gr vafer me shije vaniljeje
50 gr gjalpe i tretur
2 kuti djathe Filadelfia light
50 gr sheqer
2 luge limon i shtrydhur
2 luge vanilje
3 veze
300 gr recel vishnjeje per dekorim

Vaferin e therrmojme dhe e perziejme me gjalpin e tretur. Masen e perftuar e ngjeshim ne nje tepsi te vogel dhe e vendosim ne frigorifer per 30 minuta.

Nderkohe perziejme te gjithe perberesit e tjere, pervec recelit dhe i hedhim mbi masen e vaferit. Nderkohe ne furren e ngrohur qe me pare ne 170 grade vendosim taven e embelsires dhe e leme te piqet per rreth 40-45 minuta.

Pasi te ftohet e dekorojme me recelin e vishnjes.

Ju befte mire!!!

Ju uroj nje fundjave te kendshme!

Miqesisht,

Edi Gogu

Read Full Post »

Te dashur miq,

Oh, sa e “shijshme” eshte e shtuna, sidomos kur e kalon me familjen tende. Per te gjithe ju qe me keni kerkuar receten e kekut me kumbulla, po e postoj sot duke deshiruar qe “t’ua embelsoj” pakez fundjaven tuaj.

Per nje kek te tille ju nevojiten:

6-7 kumbulla ngjyre blu
30 gr gjalpe
3 veze
100 gr sheqer
450 gr miell
pak kripe
gjysem luge baking powder, ose me pak se gjysem luge caji sode buke
1 luge caji leng limoni i fresket
150 gr arra

Ne fillim rrihen se bashku gjalpi me sheqerin dhe i shtojme nje nga nje vezet. Ne nje ene tjeter perziejme miellin me soden dhe ia shtojme perzierjes se mesiperme. Shtojme lengun e limonit dhe ne fund, arrat.

Kumbullat i pastrojme dhe i presim feta-feta. Brumin e hedhim ne taven e lyer me pareme pak yndyre. Mbi brume rreshtojme kumbullat ne disa shtresa dhe i pjekim ne 160 grade per 40 minuta.

Shoqerohet shume mire me nje gote caji apo edhe me kafe nese ju pelqen. Mua me pelqen e shoqeruar edhe me pak krem-karamel me vanilje.

Ju befte mire dhe paci nje fundjave te kendshme!

Me dashuri,

Edi Gogu

Read Full Post »

Te dashur miq,

Stina e vjeshtes pervecse sjell shira, duket se sjell me vehte edhe deshiren per konsumim te biskotave apo kekeve te ndryshem.
Per efekte shendetesore une perpiqem qe te gatuaj embelsire nje here ne jave, megjithese tundimi per me shume eshte i madh. Ajo qe bej, eshte zevendesimi i kekut apo biskotave me fruta te pjekura apo me komposto frutash.

Per nje kek te mjaftueshem per 8 persona nevojiten:
3 veze
3 luge supe margarine e tretur
250 gr miell. Nese masa behet shume e qullet mund te shtoni 2-4 luge miell te tjera
100 gr sheqer
2-3 luge kakao per embelsira
2 molle te ziera me pare (me arome kanelle) dhe te bera pure me pirun (lengun e molleve perdoreni per ta pire si komposto)
100 gr arra te shtypura imet
1 luge caji baking powder ose ne mungese te saj 1/2 luge caji sode

Ne nje tas gatimi hidhni vezet te cilat duhet te jene ne temperature ambienti. Shtojini vezeve, sheqerin dhe perziejini mire se bashku. Me pas hidhni ngadale sasine e margarines se shkrire derisa te perftoni nje mase kremoze. Shtoni ngadale miellin dhe pluhurin e kakaos per embelsira. Me pas shtoni ne tas baking powder-in ose soden e bukes.

Shtojini mases se perftuar purene e qullte te molles dhe nderkohe qe i perzieni shtoni dhe arrat e shtypura.

Lyeni tepsine me pak vaj/gjalpe sipas deshires dhe pudroseni me pak miell. Vereni te piqet ne furren e parangrohur me pare ne 180 grade dhe kontrollojeni me majen e nje thike nese keku ka kulluar.
Nese thika del e paster nga thellesia e kekut, atehere ai eshte gati. Lereni te ftohet per disa minuta dhe nxirreni nga tepsia/forma e kekut. Priteni me kujdes dhe nese deshironi mund te pudrosni me sheqer pluhur.

Shoqerohet me qumesht, caj, kafe apo lengje frutash.

Ju befte mire!

Me dashuri,
Edi Gogu

Read Full Post »

Mikesha te shtrenjta dhe miq te dashur,

Besoj se kete shkrim do ta lexoni neser ne mengjes, ndoshta dikush edhe sot pasdite, ndaj po ju them “Pershendetje”.

Meqe ne shijojme caj e bisedojme se bashku, mendova qe t’ju postoj dy ide te thjeshta per caj bio me molle dhe caj me agrume.

Caji me molle te fresketa, kanelle e karafil pergatitet keshtu:

Per nje cajnik mesatar duhet 1 kokerr molle e pastruar dhe e qeruar ne feta. Vendosen brenda ne cajnik dhe shtohen 2 shkopa kanelle dhe 8 kokrra karafili e sipas deshires 1-2 luge gjelle mjalte.

Pas 10 minutash mund te shijoni nje caj bio fantastik:-) Mollet mund ti shponi qe me pare me pirun.

Caji me limon, portokall, qitro dhe borzilok pergatitet keshtu:

Ne nje cajnik mesatar hidhen 2 feta limoni, 3 feta portokalli, 1 fete qitro dhe 6-7 flete borziloku. Lengu i portokallit te mbetur shtrydhet dhe hidhet ne cajnik. Nderkohe marrim ujin e vluar dhe e hedhim ne cajnik. Verini kapakun dhe pas 5-6 minutash mund te shijoni cajin e fresket aromatik dhe te pasur ne vitamine C.

Ju befte mire:-)

Me dashuri,
Edi Gogu

Read Full Post »

Miremengjes te gjitheve ju qe do ta lexoni kete shkrim ne mengjes dhe pershendetje te gjithe miqve te tjere qe do ta lexojne kete shkrim, ne nje moment tjeter te dites”-)

Nder mendimet e para te cdo amvise ne cdo dite te re, vjen edhe mendimi teper i njohur nder femra “Cfare do te gatuaj sot per dreke?”

Ne shqiptaret e kemi ende dreken vaktin tone kryesor te dites, ndaj edhe mendimet per te gatuar nje vakt sa me te shijshem vertiten rreth drekes tone.

Shumica prej jush qe me shkruani cdo dite, me rrefeni qe ju shqeteson perfshirja e femijeve tuaj ne vaktin kryesor.
Mos u shqetesoni aspak pas moshes 1 vjecare, pasi femija mund te haje lirisht te njejtin ushqim te shendetshem qe konsumoni edhe ju. E perseris, ushqim te shendetshem, pa skuqje te teperta, yndyre jo me shume se 3 luge supe vaj ulliri ne nje gatim, me shume te perpunuara ne avull, te ziera e tava te pjekura ne furre.

Zakonisht femijet i urrejne perimet dhe i kane shume qejf pastat/makaronat dhe orizin e gatuar ne forme pilafi. Nese doni qe te keni sukses edhe me perimet, atehere perzieni makaronat dhe orizin me perimet ne nje gatim te vetem psh;

Zieni lulelakren dhe brokolin ne uje apo ne ene me avull per 5-7 minuta qe te jete zbutur disi, por te mos i kete humbur vlerat ushqimore (nese femija eshte i vogel ne moshe, atehere ziejeni edhe pak me shume derisa te zbutet ne ate mase qe femija juaj te mund ta pertype).

Mund te zieni njekohesisht edhe bizele apo karrota dhe pasi te jene ftohur, pritini ne forma te ndryshme. Shtojuni pakez kripe, vaj ulliri dhe disa pika limoni te shtrydhur.

Nderkohe ne nje ene tjeter keni zier makaronat dhe i keni hequr nga zjarri duke ua derdhur ujin me pas. Perziejini se bashku me perimet dhe vendosuani femijeve perpara per dreke. Luani me kombinimet e ngjyrave te perimeve dhe pritini ne forma interesante qe femijeve t’u duken terheqese.

Ne dyqane/shitore mund te gjeni makarona me forma te ndryshme qe femijet i pelqejne dhe u zgjojne interes.

MUSAKA ME PATATE
Ky gatim eshte i thjeshte dhe shume i mire si per femije ashtu edhe per te rriturit. Sipas personave qe ka familja juaj shtoni ose ulni perberesit e sygjeruar.

Per 4 persona;
8 patate mesatare- i pastrojme dhe i ziejme per 10 minuta ne uje me kripe
2 qepe mesatare- te pastruara dhe te grira holle ne kubike
1-2 thelpinj hudhra- te pastruara dhe te grira holle
4 karrota mesatare- te pastruara dhe te grira ne rrathe te holle
2 kunguj te vegjel- te pastruar e te grire ne gjysme rrathe te holle
250 gr djathe pice/ Gouda i grire imet me rende
3 luge gjelle vaj ulliri
2 veze
300 gr kos

Pasi jane zjere patatet i marrim dhe i presim ne feta te holla. Nderkohe mund te vendosni per te zier se bashku kungujt me karrotat dhe me qepen, per 6 minuta.

Pas zierjes kullojani ujin dhe filloni shtrimin e musakase. Nje shtrese patate dhe mbi te nje shtrese me perzierjen e perimeve se ciles i kemi hedhur brenda edhe 3 luget e vajit te ullirit dhe me pas shtoni pakez djathe pice.

Perseriteni kete gje dy here dhe pasi t’i keni mbaruar perimet hidhuni persiper kosin dhe vezet, te cilet i keni perzier mire se bashku ne nje ene te vecante.

Vendosini ne furre ne 170 grade dhe piqini per 30 minuta. Sipas deshires, mund te beni kombinime nga me te ndryshmet, por une solla kete kombinim te thjeshte qe mund ta konsumojne edhe femijet me te vegjel pa asnje lloj problemi.

Me duhet te largohem, pasi papagajte qe kam ne sallon, kane oren e mengjesit dhe po bejne nje zhurme te tmerrshme.

Ju uroj nje dite sa me te kendshme dhe gatim sa me te gezueshem e te shendetshem:-)

Me dashuri,

Edi Gogu

Read Full Post »

« Newer Posts - Older Posts »

Follow

Get every new post delivered to your Inbox.

Join 27 other followers